МЕН ӨМІРДІ ЖЫРЛАУ ҮШІН КЕЛГЕНМІН" АТТЫ ӘДЕБИ-САЗДЫ КЕШ
Бүгін, 2022 жылдың 9 ақпан күні, Әлкей Марғұлан атындағы #40 мектеп-лицейінде қазақтың ақиық ақыны Мұқағали Мақатаевтың туған күніне орай қазақ тілі мен әдебиеті бірлестігінің ұйымдастыруымен "Мен өмірді жырлау үшін келгенмін" атты әдеби-сазды кеш өтті.
Мазмұнды кеш қыран тағдырлы ақынның өмір жолы бейнеленген бейне үзіндімен басталып, тұнық өлеңдерін ақын ізбасарлары болып келе жатқан балаларымыз жатқа айтып, мәнді естеліктер тыңдалды. Кеш соңы ақын сөзіне жазылған әндерді шырқаумен қорытындыланды.
Сондай-ақ әдеби кеш аясында директордың тәрбие жұмысы жөніндегі орынбасары Найманбаева Жұлдыз Балғабайқызы жыл сайын ақынның туған күнінде ұйымдастырылып, бүгінде дәстүрге айналған жас ақын-жыршылардың қаламынан туған, сиясы кеппеген өлеңдерден шашу шашатын "Мен Мұқағалиды жырлаймын" атты сайыста үздік жас қаламгерлерді анықтай келе, арнайы дипломмен, қазына көзі – кітаппен марапаттады. Олар кеудеде оты бар бірқатар оқушыларымыз, атап айтқанда:
Шаяхмет Аружан (8 г, 1-орын)
Араш Ділдә (5 сынып, 1-орын)
Ыдырыш Сара (9 г, 1-орын)
Төлепқазина Айсұлу (9 д, 2-орын)
Қазақтың маңдайына біткен кербез ақын – Мұқағали Мақатев жырлары осындай жеңімпаздар барда мәңгі жасай бермек!
МЕРЕКЕ ҚҰТТЫ БОЛСЫН!
