"ОТБАСЫ МЕН ҚОҒАМДАҒЫ ӘКЕНІҢ РӨЛІ" ӘКЕЛЕР КЕЗДЕСУІ
2020 жылдың 11 қыркүйек күні бала тәрбиесіндегі әке рөлін артттыру мақсатында "Отбасы мен қоғамдағы әкенің рөлі" тақырыбында әкелер кездесуі онлайн режимінде google meet платформасында болып өтті. Тренинг мектепке келіп, білім алып жүрген кезекші сынып оқушыларының әке туралы білдірген лебіздерінен ұйымдастырылған бейнероликтен бастау алды. Мектеп директоры Базыл Жанкелді Сағынтайұлы барша қатысушы әкелерді отбасы күнімен құттықтап, қатысушы әкелерге өз алғысын білдірді. Мектеп психологтары Жанар Құдабайқызы мен Меруерт Жұмаққызы кездесудің өту барысынмен таныстырып, бала тәрбиесіне қатысты бірнеше кеңестермен бөлісті. Сондай-ақ кездесуге қонақ ретінде логотерапия саласымен айналысып жүрген маман, «Отбасы хрестоматиясы», «Әлдиден эпосқа дейін» және т.б. көптеген тәрбиелік мәндегі оқулықтардың авторы, ардақты әке Санжар Керімбай қатысып әкелермен еркін сұхбат жүргізді. Халқымыз "Бір әкенің тәрбиесін жүз мектепте бере алмайды" демекші әрдайым отбасының ұйытқысы болып, шаңырағының тірегі ретінде бала тәрбиелеу ісіне қосқан үлестеріңіз арта берсін.
