АБАЙДЫҢ СӨЗІ-АҚЫЛДЫҢ КӨЗІ
2024 жылдың 17 желтоқсан күні Әлкей Марғұлан атындағы #40 мектеп-лицейінде Абай Құнанбайұлының даналығы мен философиялық трактаттарын насихаттау мақсатында “45” атты сахналық қойылым қойылды. Бұл қойылым оқушыларға Абай Құнанбайұлының ой тұжырымдары, даналық сөздері, болашақ ұрпағын жаманшылықтан, ой кеселдерден сақтандыруға бағытталды. Мәселен Абай Құнанбайұлының 17 қара сөзіндегі “Ақыл”, “Қайрат”, “Жүрек”, 18 қара сөзіндегі “Кербездің ісі”, 20 қара сөзіндегі “Жалығу” сынды даналық сөздері қойылым арқылы жеткізілді. Жалпы аталған қойылым барша қатысушы оқушыларды терең толғантты. Тыңдаушысын тәнтті еткен “Синтез” театрына алғысымыз шексіз.
