БАЛАҚАЙЛАР МЕКТЕБІ
Бүгін 2024 жылдың 1 шілде күні Әлкей Марғұлан атындағы №40 мектеп-лицейінде 1-сыныпқа келетін оқушылар үшін бүлдіршіндер мектебінің 2 кезеңі өз жұмысын бастады. Бүлдіршіндер мектебі 03-28 маусым, 01-26 шілде және 05-23 тамыз күндері аралығында өтеді. Мектеп табалдырығын алғаш аттайтын оқушыларға арналған дайындықтың мақсаты: балалардың мектепте оқуға ынтасын, зияткерлік, эмоционалды-еріктік дайындығына ықпал ететін білім беру ортасын құру, 1-сыныпта табысты бейімделуін қамтамасыз ету. «Балақайлар мектебінің» көмегімен балалар ойын түріндегі негізгі дағдыларды игеріп, шығармашылық қабілеттерін дамытады. Мұндағы сабақтар жадыны, моториканы дамытуға және сөйлеуді, жазуды, сурет салуды үйретуге бағытталған.
