2025 жылдың 5 қыркүйек күні мектепте «Бірінші сынып оқушыларының мектепке сәтті бейімделуі» тақырыбында 1-сынып ата-аналарымен жиналыс өткізілді. Жиналыстың мақсаты – бірінші сынып оқушыларының мектеп өміріне тез әрі тиімді бейімделуіне ата-аналар тарапынан көрсетілетін қолдаудың маңыздылығын түсіндіру, оқу-тәрбие процесінің ерекшеліктерімен таныстыру.
Кездесу барысында сынып жетекшілері мен мектеп әкімшілігі оқу бағдарламасы, күн тәртібі, бейімделу кезеңінде кездесетін қиындықтар және оларды шешу жолдары туралы ақпарат берді. Сонымен қатар, ата-аналарға баламен дұрыс қарым-қатынас орнату, психологиялық қолдау көрсету туралы кеңестер ұсынылды. Жиналыс ата-аналармен өзара түсіністік пен ынтымақтастықта өтті.
