ҚАУІПСІЗДІК ОҚУ - ЖАТТЫҒУЫ

Бүгін 2023 жылдың 12 мамыр күні Әлкей Марғұлан атындағы № 40 мектеп-лицейінде мектеп оқушылары арасында қауіпсіздікті сақтау мақсатында балалар қауіпсіздігінің алдын-алу оқу-жаттығуы өткізілді. Жаттығуда оқушыларға төтенше жағдай орын алған жағдайдағы дәліздегі эвакуациялық карта таныстырылып қажетті номерлер ескертілді. Сондай-ақ өрт кезіндегі қауіпсіздік шарасы, алғашқы көмек көрсету тәсілдері түсіндірілді. Оқушыларға мектептен тыс бөгде күдікті адамдармен байланыспау, бөтен адамдар ұсынған нәрселерді алмау, күдік туғызатын нәрселерге жоламау керектігі айтылды. Жаттығудың алғашқы кезеңі мектеп мәжіліс залынан бастау алып оқушыларға қауіпсіздік ережелері айтылды, содан соң оқушылар арнайы эвакуациялық жағдаймен мектеп ауласына шығарылды. Мектеп әкімшілігі оқушыларға қандай жағдайда да сақ болуды, қауіпсіздік шараларын қатаң сақтап жүруді тапсырды!