ҚАЗАҚ ПОЭЗИЯСЫНЫҢ ХАН ТӘҢІРІ
Бүгін 2022 жылдың 9 ақпан күні ақын Мұқағали Мақатаевтың туған күніне орай 8-сынып оқушылары арасында "Қазақ поэзиясының хан тәңірі" атты зияткерлік турнирі онлайн режимінде google meet платформасында болып өтті. Оқушылар арасында ақын шығармаларын насихаттап, олардың поэзияға деген құштарлығын арттырумен қатар, көшбасшылыққа баулу мақсатында ұйымдастырылған турнир "Зымыран сұрақтар", "Ойлы болсаң озып көр", "Ақындардың пікірі", "Поэма жайлы ой-пікір" сынды кезеңдер бойынша өткізілді. Нәтижесінде жүлделі ІІІ орынды 8 "Д" сынып оқушылары Сансызбаева Айнұр мен Юлдашова Назира, жүлделі ІІ орынды 8"Ә" сынып оқушылары Егізбай Ұлан мен Аманғұл Әсемай жеңіп алды. Қалған қатысушы оқушыларға алғыс хаттар табысталады. Аталған шараны ұйымдастырған педагог-ұйымдастырушы Аружан Аргенова.
