МӘШҺҮР ЖҮСІП ОҚУЛАРЫ
Астана қаласы әкімдігінің «Астана дарыны» дарынды балалар мен талантты жастарды анықтау және қолдау орталығының ұйымдастыруымен 2024 жылы 28 қыркүйекте №57 орта мектепте жалпы орта білім беру мекемелерінің 8-11 сынып оқушылары арасында республикалық «Мәшһүр Жүсіп оқулары» байқауының қалалық кезеңі өтті.
Байқау төрт бағыт бойынша өткізілді:
І. «Алдыма өлең жаз деп қағаз келген, Сөзімді сөйлеп бақтым мен де білген» – ақындар мүшәйрасы;
ІІ. «Бас болып өнер білсең, тіпті жақсы» ғылыми зерттеу жобасын қорғау;
ІІІ. «Білімді зерек адам болам»-десең, Қара өзіңді басқаның айнасымен» эссе жазу; VI. «Мәшһүр Жүсіп шығармалары және «Ұлы даланың ұлы есімдері» ұлттың ұлы тұлғаларын
сипаттау.
Аталған байқауға мектебіміздің 10-сынып оқушысы Джанатова Амина мен 9 “Ж” сынып оқушысы Абдужалил Асылай қатысты. Нәтижесінде
«Мәшһүр Жүсіп шығармалары және «Ұлы даланың ұлы есімдері» номинациясы бойынша Абдужалил Асылай 3-орын иеленді. Жетекшісі: Тасбулатова Айнагүл Төлегенқызы. Құттықтаймыз!
