«ОТБАСЫ ҚҰНДЫЛЫҒЫ» АТТЫ FAIL КОНФЕРЕНЦИЯ
Бүгін 2023 жылдың 16 қыркүйек күні Әлкей Марғұлан атындағы №40 мектеп-лицейінде отбасы күні аясында «Отбасы құндылығы» тақырыбында 1-11 сынып оқушыларының ата-аналарымен «fail конференция» болып өтті. «Fail» ағылшын тілінен «Сәтсіздікке ұшырау» деп аударылады. Конференция барысында ата-аналар бала тәрбиесінде жіберген қателіктері мен сәтсіздіктері туралы тәжірибелерімен бөлісті. Ата-аналар өз мысалдарын келтіре отырып, баламен қарым-қатынас кезіндегі қиындықтары туралы сөз қозғап, оны жою жолдарын талқылады. Қатысушы әрбір ата-ана өзіне қажет ақпарат алды.
