"ҰЛЫ ЖЕҢІСКЕ - ҰЛЫ ҮЛЕС" АТТЫ МЕРЕКЕЛІК ШАРА

Бүгін 2018 жылдың 3 мамыр күні Әлкей Марғұлан атындағы № 40 орта мектебінде Жеңіс күніне орай "Ұлы жеңіске - ұлы үлес" атты мерекелік кеш болып өтті. Жеңіс! Осынау жалғыз ауыз сөзде қаншама терең мағына жатыр. Кез келген істің, қандай күрестіңде басты мақсаты Жеңіске жету болғанымен кешегі Ұлы Отан соғысындағы үлкен Жеңістің орны айрықша бөлек. Оған жету үшін қаншама халық жан алып, жан беріскен. Шайқастарға толы ұзақта ауыр жолдан өтіп келді. Ол сонысымен де қастерлі, қасиетті саналады -деп басталған мерекелік шарада жеңіс туралы жырлар мен әндер шырқалып, бір минуттық үнсіздік жарияланды. Директордың оқу-тәрбие жұмысы жөніндегі орынбасары Дүйсенова Сауле Зәріпқызы оқушыларды 7 мамыр - Отан қорғаушылар күнімен және 9 мамыр - Жеңіс күні мерекелерімін құттықтап бұл мерекелердің ұмытылмайтын, ескірмейтін тарихи оқиғаларға толы екенін айтып өтті.